ਜੇਕਰ ਤੁਸੀਂ Apple ਦਾ ਨਵਾਂ iPhone 18 Pro Max ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਫੋਨ ਦੀ ਕੀਮਤ ਦੇ ਨਾਲ-ਨਾਲ ਇਹ ਜਾਣਨਾ ਵੀ ਜ਼ਰੂਰੀ ਹੈ ਕਿ ਕੀ ਇਹ ਤੁਹਾਡੇ ਬਜਟ ਵਿੱਚ ਫਿੱਟ ਬੈਠਦਾ ਹੈ ਜਾਂ ਨਹੀਂ। ਫੋਨ ਖਰੀਦਣ ਤੋਂ ਪਹਿਲਾਂ ਆਪਣੀ ਮਹੀਨਾਵਾਰ ਆਮਦਨ, EMI ਅਤੇ ਹੋਰ ਖਰਚਿਆਂ ਨੂੰ ਧਿਆਨ ਵਿੱਚ ਰੱਖਣਾ ਸਮਝਦਾਰੀ ਵਾਲਾ ਫੈਸਲਾ ਹੋ ਸਕਦਾ ਹੈ।

Apple ਦੇ ਨਵੇਂ iPhone 18 Pro ਅਤੇ iPhone 18 Pro Max ਦੀ ਵਿਕਰੀ ਭਾਰਤ ਵਿੱਚ ਸ਼ੁਰੂ ਹੋ ਚੁੱਕੀ ਹੈ। ਪ੍ਰੀ-ਬੁਕਿੰਗ ਤੋਂ ਬਾਅਦ ਹੁਣ ਗਾਹਕ ਇਹ ਫੋਨ Apple India Store ਤੋਂ ਖਰੀਦ ਸਕਦੇ ਹਨ। iPhone 18 Pro Max ਦੀ ਸ਼ੁਰੂਆਤੀ ਕੀਮਤ 1,79,900 ਰੁਪਏ ਰੱਖੀ ਗਈ ਹੈ, ਜਦਕਿ iPhone 18 Pro ਦੀ ਕੀਮਤ 1,64,900 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।

iPhone 18 Pro Max ਦੀ ਕੀਮਤ ਕਿੰਨੀ ਹੈ?

Apple ਨੇ iPhone 18 Pro Max ਨੂੰ 256GB, 512GB, 1TB ਅਤੇ 2TB ਸਟੋਰੇਜ ਵੇਰੀਐਂਟਾਂ ਵਿੱਚ ਪੇਸ਼ ਕੀਤਾ ਹੈ। ਇਸ ਦੇ 256GB ਮਾਡਲ ਦੀ ਕੀਮਤ 1,79,900 ਰੁਪਏ ਹੈ। ਕੰਪਨੀ ਵੱਲੋਂ 18 ਸਤੰਬਰ ਤੋਂ ਇਸ ਦੀ ਵਿਕਰੀ ਸ਼ੁਰੂ ਕਰ ਦਿੱਤੀ ਗਈ ਹੈ।

EMI ‘ਤੇ ਖਰੀਦਣ ਲਈ ਕਿੰਨੀ ਤਨਖਾਹ ਹੋਣੀ ਚਾਹੀਦੀ ਹੈ?

Apple India Store ਮੁਤਾਬਕ iPhone 18 Pro Max 256GB ਮਾਡਲ ਲਈ EMI ਕਰੀਬ 28,817 ਰੁਪਏ ਪ੍ਰਤੀ ਮਹੀਨਾ ਤੋਂ ਸ਼ੁਰੂ ਹੁੰਦੀ ਹੈ। ਵਿੱਤੀ ਮਾਹਿਰ ਆਮ ਤੌਰ ‘ਤੇ ਸਲਾਹ ਦਿੰਦੇ ਹਨ ਕਿ ਕਿਸੇ ਵੀ EMI ਨੂੰ ਆਪਣੀ ਮਹੀਨਾਵਾਰ ਆਮਦਨ ਦੇ 10 ਤੋਂ 15 ਫੀਸਦੀ ਦੇ ਅੰਦਰ ਰੱਖਣਾ ਬਿਹਤਰ ਰਹਿੰਦਾ ਹੈ।

• ਜੇ EMI ਤੁਹਾਡੀ ਤਨਖਾਹ ਦਾ 12% ਹੋਵੇ, ਤਾਂ ਮਹੀਨਾਵਾਰ ਆਮਦਨ ਲਗਭਗ 2.40 ਲੱਖ ਰੁਪਏ ਹੋਣੀ ਚਾਹੀਦੀ ਹੈ।
• ਜੇ EMI ਨੂੰ 15% ਤੱਕ ਰੱਖਣਾ ਚਾਹੁੰਦੇ ਹੋ, ਤਾਂ ਕਰੀਬ 1.92 ਲੱਖ ਰੁਪਏ ਮਹੀਨਾਵਾਰ ਤਨਖਾਹ ਦੀ ਲੋੜ ਪਵੇਗੀ।
• ਜੇ EMI ਨੂੰ ਸਿਰਫ਼ 10% ਤੱਕ ਸੀਮਿਤ ਰੱਖਣਾ ਚਾਹੁੰਦੇ ਹੋ, ਤਾਂ ਤੁਹਾਡੀ ਮਹੀਨਾਵਾਰ ਆਮਦਨ ਲਗਭਗ 2.88 ਲੱਖ ਰੁਪਏ ਹੋਣੀ ਚਾਹੀਦੀ ਹੈ।

ਇਸ ਲਈ ਇਹ ਫੈਸਲਾ ਤੁਹਾਡੀ ਆਮਦਨ ਅਤੇ ਖਰਚਿਆਂ ਦੇ ਸੰਤੁਲਨ ‘ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਹਰ ਮਹੀਨੇ EMI ਲਈ ਕਿੰਨਾ ਬਜਟ ਰੱਖ ਸਕਦੇ ਹੋ।

ਇੱਕਮੁਸ਼ਤ ਭੁਗਤਾਨ ਕਰਕੇ ਖਰੀਦਣਾ ਕਿੰਨਾ ਸੌਖਾ?

ਜੇ ਤੁਸੀਂ EMI ਦੀ ਬਜਾਏ ਪੂਰੀ ਰਕਮ ਇੱਕ ਵਾਰ ਵਿੱਚ ਅਦਾ ਕਰਕੇ iPhone 18 Pro Max ਖਰੀਦਣਾ ਚਾਹੁੰਦੇ ਹੋ, ਤਾਂ 256GB ਮਾਡਲ ਲਈ ਤੁਹਾਨੂੰ 1,79,900 ਰੁਪਏ ਖਰਚਣੇ ਪੈਣਗੇ। ਆਮ ਤੌਰ ‘ਤੇ ਮੰਨਿਆ ਜਾਂਦਾ ਹੈ ਕਿ ਜੇ ਫੋਨ ਦੀ ਕੀਮਤ ਤੁਹਾਡੀ ਇੱਕ ਮਹੀਨੇ ਦੀ ਤਨਖਾਹ ਦੇ ਬਰਾਬਰ ਜਾਂ ਉਸ ਤੋਂ ਘੱਟ ਹੋਵੇ, ਤਾਂ ਖਰੀਦਣਾ ਵਧੇਰੇ ਆਸਾਨ ਰਹਿੰਦਾ ਹੈ। ਇਸ ਹਿਸਾਬ ਨਾਲ ਕਰੀਬ 1.80 ਲੱਖ ਰੁਪਏ ਜਾਂ ਇਸ ਤੋਂ ਵੱਧ ਮਹੀਨਾਵਾਰ ਆਮਦਨ ਵਾਲੇ ਲੋਕਾਂ ਲਈ ਇਹ ਫੋਨ ਖਰੀਦਣਾ ਮੁਕਾਬਲਤਨ ਸੌਖਾ ਹੋ ਸਕਦਾ ਹੈ।

Trade In ਨਾਲ ਘਟ ਸਕਦੀ ਹੈ ਕੀਮਤ

ਜੇ ਤੁਹਾਡੇ ਕੋਲ ਪਹਿਲਾਂ ਤੋਂ ਕੋਈ ਪੁਰਾਣਾ iPhone ਜਾਂ ਸਮਾਰਟਫੋਨ ਹੈ, ਤਾਂ Apple Trade In ਪ੍ਰੋਗਰਾਮ ਰਾਹੀਂ ਉਸ ਨੂੰ ਐਕਸਚੇਂਜ ਕਰਕੇ ਨਵੇਂ iPhone ਦੀ ਕੀਮਤ ਘਟਾਈ ਜਾ ਸਕਦੀ ਹੈ। Apple ਫੋਨ ਦੇ ਮਾਡਲ ਅਤੇ ਉਸ ਦੀ ਹਾਲਤ ਦੇ ਆਧਾਰ ‘ਤੇ ਐਕਸਚੇਂਜ ਵੈਲਿਊ ਤੈਅ ਕਰਦਾ ਹੈ।

Apple India Store ਦੀ ਜਾਣਕਾਰੀ ਮੁਤਾਬਕ ਪੁਰਾਣੇ ਸਮਾਰਟਫੋਨ ਦੇ ਬਦਲੇ ਕਰੀਬ 4,500 ਰੁਪਏ ਤੋਂ ਲੈ ਕੇ 81,500 ਰੁਪਏ ਤੱਕ ਦਾ ਐਕਸਚੇਂਜ ਲਾਭ ਮਿਲ ਸਕਦਾ ਹੈ। ਇਸ ਨਾਲ ਨਾ ਸਿਰਫ਼ ਫੋਨ ਦੀ ਕੁੱਲ ਕੀਮਤ ਘਟ ਸਕਦੀ ਹੈ, ਸਗੋਂ EMI ਦਾ ਬੋਝ ਵੀ ਕਾਫ਼ੀ ਹੱਦ ਤੱਕ ਘੱਟ ਹੋ ਸਕਦਾ ਹੈ।