ਭਾਰਤ ਵਿੱਚ ਨਿਊਕਲੀਅਰ ਫਿਊਜ਼ਨ ਰਿਸਰਚ ਦੇ ਖੇਤਰ ਵਿੱਚ ਇੱਕ ਵੱਡੀ ਕਾਮਯਾਬੀ ਹਾਸਲ ਹੋਈ ਹੈ। ਬੈਂਗਲੁਰੂ ਸਥਿਤ ਸਟਾਰਟਅੱਪ ਪ੍ਰਨੋਸ ਫਿਊਜ਼ਨ ਨੇ ਆਪਣੇ ਟੋਕਾਮਾਕ PRAGYA ਵਿੱਚ ਪਹਿਲੀ ਵਾਰ ਸਫਲਤਾਪੂਰਵਕ ਪਲਾਜ਼ਮਾ ਤਿਆਰ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਉਪਲਬਧੀ ਨੂੰ ਭਾਰਤ ਦੇ ਨਿੱਜੀ ਫਿਊਜ਼ਨ ਰਿਸਰਚ ਖੇਤਰ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਮੰਨਿਆ ਜਾ ਰਿਹਾ ਹੈ।
ਕੰਪਨੀ ਮੁਤਾਬਕ, PRAGYA ਵਿੱਚ ਤਿਆਰ ਕੀਤੇ ਗਏ ਪਲਾਜ਼ਮਾ ਤੋਂ ਮਿਲਣ ਵਾਲੇ ਡਾਟਾ ਅਤੇ ਤਕਨੀਕੀ ਤਜਰਬੇ ਦੀ ਮਦਦ ਨਾਲ ਅਗਲੇ ਪੜਾਅ ਦੀ ਫਿਊਜ਼ਨ ਤਕਨਾਲੋਜੀ ਵਿਕਸਿਤ ਕੀਤੀ ਜਾਵੇਗੀ। ਕੰਪਨੀ ਦਾ ਟੀਚਾ 2030 ਤੱਕ ਇਸ ਖੇਤਰ ਵਿੱਚ ਹੋਰ ਵੱਡੀਆਂ ਉਪਲਬਧੀਆਂ ਹਾਸਲ ਕਰਨਾ ਹੈ।
ਨਿਊਕਲੀਅਰ ਫਿਊਜ਼ਨ ਨੂੰ ਭਵਿੱਖ ਦੀ ਸਾਫ਼ ਅਤੇ ਲਗਭਗ ਅਸੀਮ ਊਰਜਾ ਦਾ ਸਰੋਤ ਮੰਨਿਆ ਜਾਂਦਾ ਹੈ। ਇਸ ਪ੍ਰਕਿਰਿਆ ਵਿੱਚ ਸੂਰਜ ਵਾਂਗ ਊਰਜਾ ਪੈਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ, ਜਿਸ ਕਾਰਨ ਇਸਨੂੰ ਅਕਸਰ “ਧਰਤੀ ‘ਤੇ ਸੂਰਜ ਬਣਾਉਣ” ਦੀ ਦੌੜ ਵੀ ਕਿਹਾ ਜਾਂਦਾ ਹੈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ PRAGYA ਵਿੱਚ ਪਲਾਜ਼ਮਾ ਤਿਆਰ ਹੋਣਾ ਭਾਰਤ ਦੀ ਫਿਊਜ਼ਨ ਊਰਜਾ ਖੋਜ ਲਈ ਇੱਕ ਵੱਡਾ ਕਦਮ ਹੈ। ਇਹ ਉਪਲਬਧੀ ਦੇਸ਼ ਨੂੰ ਇਸ ਉੱਚ-ਤਕਨੀਕੀ ਖੇਤਰ ਵਿੱਚ ਵਿਸ਼ਵ ਪੱਧਰ ਦੀ ਦੌੜ ਵਿੱਚ ਹੋਰ ਮਜ਼ਬੂਤ ਸਥਿਤੀ ਦੇ ਸਕਦੀ ਹੈ।
